शायराचे काय झाले Gazalkar Vinay Patil

 ● गझल प्रभात ●   

🌹 वाढदिवस विशेष 🌹

 🌷शायराचे काय झाले?🌷

प्रश्न हा नाहीच की त्या, अत्तराचे काय झाले

कोणताही दोष नसलेल्या फुलाचे काय झाले ?

चांगला प्रोजेक्ट आहे, मॉलही परफेक्ट आहे

पण जुण्याश्या गच्च हिरव्या, डोंगराचे काय झाले... ?

एवढे रस्त्यात खड्डे, वाटतो खड्ड्यात रस्ता

काय झाले त्या खडीचे, डांबराचे काय झाले...?

तू निवडणुक जिंकल्यावर, खूप मालामाल झाला

फायद्याचे फार झाले,वायद्याचे काय झाले... ?

आजही पडक्या घराने अन् विटांनी प्रश्न केला

योजना मंजूर होती मग घराचे काय झाले...?

ऐन लग्नाच्याच दिवशी, ती तिच्या खोलीत नव्हती

बांधुनी बाशिंग बसलेल्या मुलाचे काय झाले... ?

शायरी सोडून दे तू, भाकरी देतो म्हणाले

या पुढे अंदाज लावा, शायराचे काय झाले... ?

विनय पाटील 'कमांडर'

 गझलकार विनयजी पाटील यांना

वाढदिवसाच्या मंगलमय शुभेच्छा..

🌹🌹🌹🌹🌹

=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=