स्वतःला जाणुया आपण नव्या वर्षी Gazalkar Vasudeo Gumatkar

• गझल प्रभात •(भाग ११३ )

गझलकार वसुदेव गुमटकर 

🌹स्वतःला जाणुया आपण नव्या वर्षी🌹

व्यथेला झाकुया आपण नव्या वर्षी

सुखाला पाहुया आपण नव्या वर्षी

जुने झाले जमा मागील वर्षाला 

नव्याने चालुया आपण नव्या वर्षी

कशाला घुटमळावे गत स्मृतींमध्ये

नकोसे विसरुया आपण नव्या वर्षी

तुझ्या-माझ्यामधे आता नको भांडण

कुशंका मिटवुया आपण नव्या वर्षी

असावी आपली ओळख स्वतःशीही 

स्वतःला जाणुया आपण नव्या वर्षी

वसुदेव गुमटकर 'देवकुमार'

मेहकर, बुलढाणा

=•=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=•=