लोकांनो Gazalkar Satish Darade

• गझल प्रभात •   

 🌹 वाढदिवस विशेष 🌹

🌹लोकांनो..🌹

नका काढू मढ्याची जात लोकांनो..

जळू द्या ना समाधानात लोकांनो..

अता पडला जुन्या वादावरी पडदा

मला ओढा नव्या वादात लोकांनो..

कुणी हाकेस ओ का देत नाही रे

अरे आहात की मेलात लोकांनो..

शिसारी आणते ही चेहरेबाजी

नका राहू अशा लोकात लोकांनो..

फळे लागायच्याआधी मुळे विकली

अता काटे भरा पोटात लोकांनो..

सतीश दराडे

=•=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=•=