मला चंद्र माझा कधीचा मिळाला Gazalkar Mahesh Honmane

 • गझल प्रभात •  

🌹वाढदिवस विशेष 🌹

 🌹मला चंद्र माझा कधीचा मिळाला🌹

नजर लागली या, खुळ्या काळजाला

उगच पाहिले मी, तिच्या काजळाला 

मुले बायको अन्, सगे सर्व सुटले 

सुटेना कसा पण तुझा एक प्याला?

उजेडास त्याची न किंमत कळाली 

जरी जीव जाळुन दिवा शांत झाला

भरवसा नको तेवढा ठेवला मी

नका नाव ठेवू , उगी वादळाला

गुन्हे सर्व घेतो, तिचे मी स्वतःवर

हवी ती सजा द्या मला एकट्याला 

मला चांदण्यांचे, न कौतुक आता

मला चंद्र माझा कधीचा मिळाला

महेश होनमाने

=•=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=•=