जिंदगी मधुमास आहे Gazalkar Kashinath Gawali

Gazalkar Kashinath Gawali

जिंदगी मधुमास आहे 

वासनांचा दास आहे

हा मनाला त्रास आहे

विसरलो आहे तुला मग 

हा कुणाचा भास आहे

कर्ज डोईवर, गळ्याला

वेदनांचा फास आहे

एक तोरण भावनांचे 

टांगले दारास आहे 

जन्मणे मरणे तुझ्याविन 

हाच तर वनवास आहे 

फार मी निश्चिंत मृत्यो

मित्र जर तू खास आहे

सोबतीने यार तुझिया 

जिंदगी मधुमास आहे 

---------------------

काशिनाथ गवळी

नांदगाव नासिक

९८५०४४१२८७