इतिहास जरा वाचू Gazalkar Sanjay Tidake

 

Gazalkar Sanjay Tidake

इतिहास जरा वाचू 

बरेच आले आणिक गेले इथे आमच्या आधी

इतिहास जरा वाचू त्यांचा पुढे जायच्या आधी

लागणार ना तुझा रावणा निभाव आता येथे

रूप पाहते निरखून सिता दान द्यायच्या आधी

देता येतो आकार म्हणे लोखंडाला सुद्धा 

नकोस घालू घाव म्हणाला ताव यायच्या आधी

उरली नाही भिती कोणती मरावयाची आता

मी देहाचे चंदन केले मुक्त व्हायच्या आधी

सोपे नसते कधी कुणाला दान मागणे इतके

खुली करावी मूठ लागते दान घ्यायच्या आधी

संजय तिडके,लातूर