पळवुन नेले लढणाऱ्याचे पाणी Gazalkar Dinesh Bhosale

• गझल प्रभात • (भाग २० )

Gazalkar Dinesh Bhosale 

🌹 पळवुन नेले लढणाऱ्याचे पाणी🌹

पळणाऱ्याला दिसले नाही रडणाऱ्याचे पाणी

रडणाऱ्याला कळून चुकले पळणाऱ्याचे पाणी

चार शितांवर जगता येते असे म्हणाली समिती

समितीला त्या कधी न कळले कसणाऱ्याचे पाणी

बाष्प साठवुन पाउस पाडू एसीमधले वदले

भिंतीआडुन कुणास दिसले जळणाऱ्याचे पाणी!

नम्र फुलाला डसून जाते ताठरतेची नांगी 

त्या नांगीला कधी न दिसले फुलणाऱ्याचे पाणी

बंड छेडण्यासाठी ज्याला दिली सुपारी त्यांनी 

त्या वाऱ्याने पळवुन नेले लढणाऱ्याचे पाणी

दिनेश भोसले

त्रिवेणीनगर, तळवडे

मो. ९८८१६२५७४५

 

=•=•=•=•=•=•=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=•=•=•=•=•=•=