फुलाप्रमाणे दरवळता येते Gazalkar Maroti Arewar

• गझल प्रभात • (भाग ९ )

Gazalkar Maroti Arewar

फुलाप्रमाणे दरवळता येते

आयुष्याला सुरेख सुंदर करता येते

फुलाप्रमाणे चहूकडे दरवळता येते

हातामध्ये कोणाच्याही मृत्यू नसतो

जोवर जगतो मनाप्रमाणे जगता येते

लाचारीने कशास आता जगावयाचे

हक्कासाठी प्राणपणाने लढता येते

सोडत जावे कशास सारे नशिबावरती

पडता उठता संघर्षाने घडता येते 

नको प्रतीक्षा उजेड कोणी द्यावा याची

दिव्यासारखे ठामपणाने जळता येते

मारोती आरेवार

गडचिरोली

मो. 9403239435

=•=•=•=•=•=•=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=•=•=•=•=•=•=