• गझल प्रभात • (भाग ३८ )
 |
| Gazalkara Madhuri Chavan Joshi |
🟣 नवरात्र विशेष 🟣
🔵आजचा गझल रंग- निळा 🔵
🌹 कुंकू 🌹
विस्कटल्या नात्याचे कुंकू,
असे काय कामाचे कुंकू?
आजी लावायची कपाळी,
मातीच्या वासाचे कुंकू...
निळे, केशरी, हिरवे दिसते,
हे जाती धर्माचे कुंकू...
निगुतीने सांभाळशील ना,
तुझे स्वाभिमानाचे कुंकू ?
लपवत फिरतो अश्वत्थामा,
भाळावर शापाचे कुंकू...
किती निरागस भासत असते,
हळदीच्या अंगाचे कुंकू...
स्वतःच बन सौभाग्य तुझे तू,
लाव तुझ्या नावाचे कुंकू...
माधुरी चव्हाण जोशी
देवगड
=•=•=•=•=•=•=•=•=•=•=•=•=•=•=•=•=•=•=•=•=•=•=•=
संयोजक:- भरत माळी
मो. 9420168806
=•=•=•=•=•=•=•=•=•=•=•=•=•=•=•=•=•=•=•=•=•=•=•=
0 Comments