मराठी खरी Gazalkar Badiujjama Birajdar

• गझल प्रभात •  

मराठी भाषा गौरव दिन विशेष

🌹मराठी खरी..🌹

मराठी खरी आपली लाज आहे!

हिच्या वैभवाचा इथे ताज आहे!!

तुकाराम ज्ञानेश्वरानेच आता; 

हिला चढविलेला असा साज आहे!

हिला पाहिले मी तिथे पंढरीला; 

मृदंगे अभंगात आवाज आहे!

मना सज्जनांचेच हे रामदासी;

मराठीतले हे घरंदाज आहे!

किती गोड आहे तिची ओढ आहे;

नको त्याच भाषेस का माज आहे!

नजाकत मराठीतही सिध्द झाली;

भरे भव्यजत्रा बघा आज आहे।

मराठीच आई खरी साय 'साबिर';

तुझे नाम घेण्यात का लाज आहे!

बदीऊज्जमा बिराजदार 

(साबिर सोलापुरी)

 

=•=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=•=