दु:खा Gazalkar Avinash Kasande

• गझल प्रभात •   

🌹वाढदिवस विशेष 🌹

 🌹दु:खा..🌹

सखा होऊन माझा तू जरी मज जाळतो दु:खा,

तिची तू भेट आहे रे म्हणूनच पाळतो दु:खा - 

किती आनंद होतो ना सखी स्वप्नात आल्यावर ?

तिथे येतोस बेटया अन तिच्यावर भाळतो दु:खा - 

तुला नाही म्हणूनी मी निघूनी जात नसतो रे,

तसे केल्यास तू आसव कसे मग ढाळतो दु:खा ? - 

जराशी वेल बहरू दे तिच्याही आठवांची तू,

बहर येताच आधी का असा चुरगाळतो दु:खा ? - 

तुझी ईर्ष्या नसे मजला नसे शत्रुत्वही काही,

तुला अपुलाच मानूनी असा कुरवाळतो दु:खा - 

अविनाश कासांडे

सुपेकर. गंगाखेड.

=•=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=•=