तर काय झाले Gazalkar T Dhikale

• गझल प्रभात •   

🌹तर काय झाले🌹

शौक थोडा मज फुलांचा, वाटला तर काय झाले..

अमृताचा गोडवा मी, चाखला तर काय झाले ?

घेतली लावून दारे, तू तुझ्या मर्जीप्रमाणे..

वेगळा मी मार्ग माझा, शोधला तर काय झाले ?

चक्क खोट्याचा सहारा, घेतला तू ऐनवेळी..

मात्र दावा तो तुझा मी, खोडला तर काय झाले ?

आव खोटा आणण्याची, फार मोठी हौस तुजला..

मुखवटा नकली तुझा मी, फाडला तर काय झाले ?

वसवली लंकापुरी तू , केवढा कैफात आला..

तुज कुणी 'रावण' म्हणाया, लागला तर काय झाले ?

केवढा हा दांभिकांचा, चालला हैदोस सारा..

ज्यास त्याच्या लायकीने, कांडला तर काय झाले

ठेवला विश्वास ज्यावर, तोच करतो घात तर मग..

अस्तनितला तो निखारा, खांडला तर काय झाले ?

तु. सी. ढिकले

मो‌. 7588828834

 

=•=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=•=