कुठे थांबले? Gazalkara Anjali Marathe

• गझल प्रभात •  

 🌹महिला दिन विशेष 🌹

🌹कुठे थांबले?🌹

इतरांवरती चिखल फेकणे कुठे थांबले? 

चिखलामध्ये कमळ उगवणे कुठे थांबले? 

लाख मणाच्या बेड्या होत्या पायांमध्ये

स्वातंत्र्याचे स्वप्न पाहणे कुठे थांबले? 

निकोप स्पर्धा करण्याचे बळ कुणात आहे? 

विजयासाठी पाय खेचणे कुठे थांबले?

देहाइतकी जमीन पुरते मेल्यानंतर

लाखो एकर तरी हडपणे कुठे थांबले?

चढुन पायरी शिखर गाठणे सोपे असते

पायरीस त्या सहज विसरणे कुठे थांबले?

पानगळीचे येणे निश्चित बहरानंतर

पण वृक्षांचे पुन्हा बहरणे कुठे थांबले?

मोक्ष मिळावा म्हणून त्याने देह बदलले 

आत्म्याचे अव्याहत फिरणे कुठे थांबले?

अंजली आशुतोष मराठे

बडोदे, गुजरात

=•=•=•=•=•=•=•=•=•=•=•=•=•=•=•=•=•=•=

संयोजक:- भरत माळी

मो. 9420168806

=•=•=•=•=•=•=•=•=•=•=•=•=•=•=•=•=•=•=