● गझल प्रभात ●
🌹 वाढदिवस विशेष 🌹
🌷 सांगू नका 🌷
आले किती गेले किती मोजायला सांगू नका
माझ्यातली वर्दळ कुणी रोखायला सांगू नका
शेकून झाल्यावर तरी सौजन्य थोडे दाखवा
माझ्याच अश्रूंनी मला विझवायला सांगू नका
बागांमधे ही टवटवी इतक्या सहज आली कुठे
आता फुलांना चेहरे झाकायला सांगू नका
अगदी जवळच्या माणसांनो एवढे ऐकाल ना
मन मारल्यावर भावना जगवायला सांगू नका
आकाश खाली यायलाही संमती देईल पण
त्यालाच सगळ्या पायऱ्या उतरायला सांगू नका
माझ्या व्यथांची स्मारके तुमच्या सुखांना दाखवा
पण एकही अक्षर तिथे कोरायला सांगू नका
दुनियेस मी दिसलो तरी कोषात राहू द्या शिवा
दोघातला पडदा मला हटवायला सांगू नका
डॉ. शिवाजी काळे
गझलकार डॉ. शिवाजी काळे सर यांना वाढदिवसाच्या
मंगलमय शुभेच्छा.. 🌹🌹🌹🌹🌹
=•=•=•=•=•=•=•=•=•=•=•=•=•=•=•=•=
संयोजक:- भरत माळी
मो. 9420168806
=•=•=•=•=•=•=•=•=•=•=•=•=•=•=•=•=
0 Comments